Kev nthuav txav ntawm Medicaid yog ib feem ntawm Affordable Care Act (Tsab Cai Hais Txog Kev Saib Xyuas Kho Mob Uas Tsis Kim, ACA). Lub hom phiaj ntawm tsab cai ACA yog los pab ua kom muaj kev pov hwm kho mob pheej yig dua rau cov neeg khwv tau nyiaj tsawg. Thawj Tswj Hwm Obama tau kos npe rau tsab cai ACA los ua ib tsab cai lij choj hauv 2010.

Kev nthuav txav ntawm Medicaid tau muab lub cib fim rau cov xeev los muab kev pab cuam Medicaid rau cov neeg uas khwv tau nyiaj tsawg txog li 138% ntawm tsoom fwv theem ntsuas kev txom nyem (federal poverty level, FPL). FPL yog qhov ntsuas ntawm cov nyiaj tau los. Nws yog qhov kev txiav tawm kom muaj cai tsim nyog tau txais Medicaid thiab lwm cov kev pab ntawm tsoom fwv. Tsoom fwv teb chaws hloov kho theem FPL tshiab txhua xyoo. Rau 2023, FPL yog $13590 rau cov tib neeg ib leeg kheej thiab $27750 rau ib tsev neeg ntawm 4.

Kev nthuav txav Medicaid tau qhib kom nkag tau mus rau Medicaid feem ntau yog rau cov 2 pab pawg neeg tau nyiaj tsawg no:

1. Cov neeg muaj hnub nyoog uas tsis muaj ib tus me nyuam li
2. Cov neeg uas, yav dhau los, khwv tau nyiaj ntau dhau ua rau tsis muaj cai tau txais Medicaid ntawm lub xeev

Txhua lub xeev khiav nws qhov kev pab cuam Medicaid, tab sis tsoom fwv tseem muaj cov cai uas txhua lub xeev yuav tsum tau ua raws. Hauv txoj kev sib pauv rau kev ua raws cov cai no, tsoom fwv teb chaws tseem muab tsawg kawg ib nrab ntawm cov nyiaj uas xav tau los khiav qhov kev pab cuam Medicaid rau cov xeev.

Cov nqi uas muaj feem cuam tshuam rau kev nthuav txav Medicaid ne yog li cas? Rau ntawm thawj ob peb xyoos, tsoom fwv teb chaws tau them 100%, los sis tag nrho cov nqi. Nyob hauv cov xyoo txij ntawd los, qhov sib faib ntawd tau maj mam muab txo tsawg zuj zus. Txij li xyoo 2020 — thiab nyob rau hauv txhua txhua xyoo mus tom ntej — tsoom fwv teb chaws tam sim no yuav them 90%. Qhov ntawd txhais tau tias rau txhua duas las ntxiv uas lub xeev siv rau qhov kev nthuav txav Medicaid, tsoom fwv teb chaws yuav pab them 90 xees (cents) ntawm tus nqi.

Hauv 2012, Lub Tsev Hais Plaub Siab Tshaj Plaws hauv Teb Chaws Meskas (Supreme Court of the United States) tau txiav txim tias tsoom fwv teb chaws tsis tuaj yeem yuam tau cov xeev kom nthuav dav Medicaid raws li ACA. Qhov ntawd yog vim nws yuav raug nqi nyiaj rau cov xeev los pab them nyiaj ntau dua rau cov neeg nyob hauv Medicaid. Yog li ntawd, txhua lub xeev tuaj yeem xaiv seb puas yuav nthuav dav lawv qhov kev pab cuam Medicaid. Tam sim no, 38 xeev ntxiv rau Washington, DC tau txais kev nthuav dav Medicaid thiab 12 cov xeev tsis muaj. ¹

Koj puas tau hnov txog qhov Medicaid kis kev pab them nqi? Nws yog ib qhov xwm txheej uas cuam tshuam rau qee pawg neeg hauv cov xeev uas tau xaiv qhov tsis nthuav dav Medicaid. Cov neeg no khwv tau nyiaj ntau dhau ua rau tsis muaj cai tau txais Medicaid hauv lawv lub xeev. Tab sis lawv tseem tsis tuaj yeem them taus tus nqi kom tau txais kev pab them nqi kho mob hauv ib tus neeg los sis tsev neeg qhov chaw lag luam (ACA) daim phiaj (marketplace plan). Kwv yees li ntawm 2.2 lab tus tib neeg poob rau hauv qhov Medicaid qhov kis kev pab them nqi no.²

Menges Group yog lub tuam txhab muab kev sab laj hauv lub teb chaws (consulting firm) uas tau tsom ntsoov nrhiav cov hauv kev los muab kev pab rau cov neeg muaj kev pheej hmoo siab kom tau zoo dua qub. Pawg Menges tau ua ib qho kev tshawb fawb los muab cov xeev uas tau txais yuav qhov kev nthuav txav Medicaid piv rau cov xeev uas tsis txais yuav. Cov kev tshawb pom tseem ceeb los ntawm Menges Group qhov kev tshawb fawb,³ muab nthuav tawm thaum Lub Yim Hli (August) 2021, muaj xws li:

• Ntau tshaj 9 lab tus tib neeg uas yuav tsis muaj kev pov hwm tau txais kev pov hwm los ntawm Medicaid Expansion.
• Txij ntawm 2013–2019, feem ntawm cov nqi Medicaid uas cov xeev them tsawg dua hauv cov xeev uas nthuav dav Medicaid muab piv rau cov uas tsis tau (19.5% piv rau 26.4%).
• Medicaid expansion tau pab txo cov neeg tuag los ntawm tus kab mob COVID-19 ntawm cov neeg hnub nyoog 18–64 xyoos.
• Tsev kho mob cov nyiaj tau los kuj pom tias nce ntau ntxiv hauv cov xeev uas muaj qhov Medicaid expansion.

Kev nthuav txav Medicaid ua rau muaj ntau tus neeg tau txais kev pab kho mob los ntawm Medicaid. Qhov ntawd suav nrog qee tus neeg uas tseem muaj feem tsim nyog tau txais Medicare cov kev pab thiab. Thiab nyob rau hauv cov xwm txeej ntawv, feem ntau lawv kuj yuav kom tsim nyog rau Kev Xav Tau Kev Pab Txhwj Xeeb Ob Yam Ua Ke (los sis tsim nyog muaj ob txoj kev npaj kho mob). Qhov no yog hom kev pab them nqi kho mob rau cov neeg uas muaj Medicare thiab Medicaid. Cov neeg no yog "muaj feem tau txais ob yam" vim tias lawv muaj feem tau txais cov nyiaj pab ntawm Medicaid xws li cov nyiaj pab ntawm Medicare.

Cov Phiaj Xwm Kev Xav Tau Tshwj Xeeb Ob Qho Ua Ke yog Medicare Advantage cov phiaj xwm uas yuav muab tau kev pab ntxiv rau cov neeg uas xav tau qhov ntawd. Qhov ntawd tej zaum yuav yog vim cov nyiaj khwv tau los, cov kev xiam oob qhab, hnub nyoog thiab/los sis tej kev mob nkeeg. Daim Phiaj Cov Kev Xav Tau Tshwj Xeeb Ob Yam Ua Ke ua hauj lwm ua ke nrog koj daim phiaj tuav pov hwm kho mob Medicaid. Koj yuav ceev tag nrho koj cov kev pab Medicaid cia. Feem ntau ob txoj phiaj xwm npaj kho mob kuj tseem muab cov nyiaj pab thiab cov kev tsim nyog ntxiv rau koj ntau dua li koj tau txais nrog Original Medicare.* Tag nrho muaj qhov nyiaj pov hwm them txhua hli (premium) qis txog $0 xwb. Kawm kom paub ntxiv txog cov nyiaj pab ntawm daim phiaj muaj ob yam kev tuav pov hwm kho mob.

1 Qhov txheej xwm ntawm Lub Xeev Medicaid Expansion Cov Kev Txiav Txim Siab: Daim Ntawv Qhia Kev Uas Kov Tau (KFF, Lub Rau Hli Ntuj 21,2022), (nkag cuag tau rau thaum August 16, 2022).
2 Qhov sib txawv ntawm kev pab them nqi kho mob: Cov neeg muaj hnub nyoog uas tsis muaj kev pov hwm them nqi kho mob hauv cov xeev uas tsis nthuav dav Medicaid (KFF, January 21, 2021, ),  (nkag cuag tau thaum December 14, 2021).
3 Kev Ntsuam Xyuas txog Medicaid Expansion's Impacts (Lub Menges Group, Lub Yim Hli 2021) (nkag cuag tau thaum July 13, 2023).
Cov txiaj ntsig thiab cov yam ntxwv sib txawv raws li phiaj xwm/cheeb tsam. Yuav muaj cov ciaj ciam kev txwv thiab cov kev zam.